Google Searchʼning soʻnggi yangilanishi eng qiyin savollaringizga aniqroq javoblarni vaʼda qilmoqda

Yangi Gemini 4 Hydrogen modeli bilan Search yangilanishi allaqachon butun dunyo boʻylab joriy etilmoqda. Google uni qidiruv modelining eng yirik yaxshilanishi deb atamoqda, biroq bu kompaniyaning oʻz bahosi.

Model tez bajariladigan koʻp bosqichli vazifalar uchun moʻljallangan. Google maʼlumotlariga koʻra, u bunday vazifalarni avvalgi tezkor Gemini 3.8 Flash modeliga qaraganda 2,5 baravar tezroq bajaradi. Searchʼda u foydalanuvchi maqsadini, jumladan, bir necha qismdan iborat soʻrovlar, tor ixtisoslashgan savollar va tushunish qiyin boʻlgan imlo xatolari bilan yozilgan xabarlarni yaxshiroq anglaydi.

Hydrogen kichik mavzular boʻyicha qidiruv imkoniyatini ham kengaytiradi: tizim soʻrovni bir-biriga bogʻliq bir nechta quyi soʻrovlarga ajratadi va koʻproq foydali havolalarni koʻrsatadi. Javoblarda rasmlar, tuzilgan bloklar, taqqoslash jadvallari va soʻrovga mos tanlangan maxsus vositalar paydo boʻladi. Google model AI Mode qoʻllab-quvvatlaydigan barcha tillarda javoblarni yaxshilashini bildirmoqda.

Searchʼdan tashqari, Hydrogen barcha Google AI Studio, Gemini API va Gemini App tariflarida, shuningdek, Google Antigravity dasturiy taʼminot ishlab chiqish platformasidagi AI Pro va Ultra pullik obunachilari uchun ham mavjud boʻladi. Model mulohaza yuritish chuqurligining toʻrtta darajasini — past darajadan yangi oʻta yuqori darajagacha — qoʻllab-quvvatlaydi. U kod, testlar va oʻzgarishlarni tekshirish bilan mustaqil ishlashi yoki Gemini 4 Carbon va Gemini 4 Argon bilan birlashishi mumkin.