AI kompaniyalari aksiyalari data-markazlar qurilishi sekinlashishi xavfi fonida tushdi

Sunʼiy intellekt bilan bogʻliq kompaniyalar bozori aksiyalar keng koʻlamda sotilgan paytda eng koʻp zarar koʻrgan segmentlardan biri boʻldi. Chips ishlab chiqaruvchilar va AI infratuzilmasini yaratishda qatnashayotgan bulutli kompaniyalar aksiyalari boshqalarnikiga qaraganda koʻproq pasaydi.

Xavflardan biri demokratlar taʼsiri kuchayishi bilan bogʻliq. Agar ular ruxsatnomalar berilishini qatʼiylashtirsa, elektr va suv sarfini sinchiklabroq tekshirsa yoki soliq imtiyozlarini qisqartirsa, yangi data-markazlar uzoqroq quriladi va qimmatroqqa tushadi. UBS hisob-kitobiga koʻra, qurilishlar toʻxtatilishi sabab 2028 yilda data-markazlar sonining rejalashtirilgan oʻsishining qariyb 30 foizi zarar koʻrishi mumkin.

Bunday ssenariy butun taʼminot zanjiriga zarba beradi: chips ishlab chiqaruvchilar buyurtmalaridan, energetika uskunalari yetkazib beruvchilar loyihalardan ayrilishi mumkin. Data-markazlar quruvchilariga, ayniqsa qarz hisobidan moliyalashtirishga qaram boʻlsa, yirik xarajatlarni oqlash qiyinlashadi.

Reklama

Buning boshqa talqini ham bor. Qurilishning sekinlashishi eng yirik bulutli kompaniyalarga kapital xarajatlaridan olinadigan daromadni investorlarga koʻrsatish uchun koʻproq vaqt beradi. Quruvchilar loyihalarni ehtiyotkorlik bilan tanlashi, bozor esa energiya taʼminotini mustaqil moliyalashtira oladigan va kechikishlarga bardosh beradigan moliyaviy barqaror kompaniyalar tomon koʻproq siljishi mumkin.

Aksiyalar sotilishi investorlar hozir siyosiy burilishni AI bozori uchun xavf deb baholayotganini koʻrsatdi. Biroq qurilishning sekinlashishi undan voz kechishni anglatmaydi: u kapital xarajatlari poygasini oʻzini qoplashga koʻproq eʼtibor qaratiladigan, tartibliroq jarayonga aylantirishi mumkin.