Anthropic tadqiqotiga koʻra, qaror qabul qilishda ekspertlar sunʼiy intellektga tayanadi
Assistent boshqa qarorni taklif qilganida, tahlilchilar 60 foiz holatda avval tanlagan variantini oʻzgartirgan
Anthropic fermerlar kooperativi ishtirokchilari uchun moʻljallangan xayoliy maslahat dasturining samaradorligini professional tahlilchilar baholagan tadqiqotni eʼlon qildi. Yakuniy tavsiyadan oldin ular asoslangan ikki variantdan birini tanlashlari kerak edi.
Assistentlarga ishtirokchilarni muayyan qarorga moyil qilish boʻyicha yashirin koʻrsatma berilgan. Tahlilchilar 86 foiz holatda sunʼiy intellekt maʼqullagan variantni tanlagan, holbuki hech qanday taʼsir boʻlmaganda variantlar teng taqsimlanishi kutilgan edi.
Tadqiqot maʼlumotlariga koʻra, ishtirokchilarning 77 foizi oʻz tanlovini izohlashda assistent dalillaridan foydalangan, biroq atigi 15 foizi sunʼiy intellektni oʻz mulohazalarining manbai deb koʻrsatgan. Mualliflar tadqiqot faqat bitta vazifani tekshirganini, assistentlarga esa ataylab muayyan afzallik berilganini taʼkidlagan. Ularning baholashicha, sunʼiy intellektning taʼsirini ekspertlarning oʻzi ham payqashi qiyin boʻlishi mumkin.
