Apex Bankda boshqaruv raisi vazifasini vaqtincha bajaruvchi yangi shaxs tayinlandi
Apex Bankda Sherzod Majitov boshqaruv raisi vazifasini vaqtincha bajaruvchi etib tayinlandi. U bankda 2025-yil noyabridan beri faoliyat yuritadi.
Sherzod Majitov Apex Bank boshqaruv raisi vazifasini vaqtincha bajaruvchi etib tayinlandi. Boshqaruv raisining birinchi oʻrinbosari lavozimida Timur Imirsaliyev qolmoqda.
Olga Numanova 2025-yil dekabrida InFinBankdan oʻtganidan soʻng Apex Bankka rahbarlik qila boshlagan. U InFinBankda 2024-yil yanvaridan beri boshqaruv raisi boʻlgan. Numanova Apex Bankni qariyb 11 oy boshqargan. Undan avval bankni tayinlanganidan yetti oy oʻtib lavozimini tark etgan Sergey Gimadiyev boshqargan.
Sharof Ikramov 2024-yil kuzida Apex Bank rahbariyatiga boshqaruv raisi oʻrinbosari sifatida qoʻshilgan. Numanova va Ikramovning vakolatlari tugatilgach, ular bankning affillangan shaxslari roʻyxatidan chiqarildi.
2026-yil 1-oktabr holatiga koʻra, Apex Bank aktivlari 6,15 trln soʻmni tashkil etgan. Kredit portfeli 3,6 trln soʻmga, depozit portfeli esa 4,19 trln soʻmga yetgan. Bank 2026-yil yanvar–sentyabr oylarida 179 mlrd soʻm sof foyda olgan, 2025-yilning shu davrida esa 52,2 mlrd soʻm zarar qayd etilgan.
Yana oʻqing
Fractile AI chiplari ishlab chiqish uchun $720 mln jalb qildi
Biznes va pul15:48
Ilon Mask Germaniyaning Singulus kompaniyasidan Starmind uchun €60 mlnlik elementlar buyurtma qildi
Biznes va pul13:39