OpenAI Sonder asoschisi tuzgan Odessia sayyohlik startapini sotib oldi
OpenAI Odessiaʼni sotib oldi, uning asoschisi Frensis Devidson esa kompaniyaga qoʻshiladi. Bitimning moliyaviy shartlari oshkor etilmadi.
Odessia sayohatlarni rejalashtirish va bron qilish uchun sunʼiy intellekt agentini yaratdi. Devidsonning aytishicha, oʻtgan yozda oʻn minglab ilk foydalanuvchilar servis orqali yillik hisobda umumiy qiymati $60 mln dan ortiq boʻlgan sayohatlarni rejalashtirgan.
Startap oʻtgan yili tashkil etilgan, taxminan besh oy oldin esa sayyohlik agentini ishga tushirgan. Hozir bu vositadan foydalanib boʻlmaydi. Odessia Sequoia boshchiligidagi investitsiya raundida $6 mln jalb qilgan.
OpenAI Devidsonni ishga olganini tasdiqladi, biroq sayyohlik sohasi uchun yangi mahsulotlar yoki rejalarini hozircha eʼlon qilmadi. Kompaniyaning mijozlari va hamkorlari qatorida Booking.com, Expedia va KAYAK bor. OpenAI vakilining taʼkidlashicha, chatbotlardan foydalanuvchilar koʻpincha sayohatlar boʻyicha yordam soʻraydi.
Devidson avval apartamentlarni qisqa muddatga ijaraga berish xizmati boʻlgan Sonder kompaniyasiga asos solgan. U kompaniyani 2025 yil yozigacha boshqargan va uning daromadini $600 mln dan oshirgan. Marriott bilan hamkorlik barbod boʻlganidan keyin Sonder bankrot boʻlib, faoliyatini toʻxtatgan.
Yana oʻqing
2030 yilgacha sotib olib, ushlab turishga arziydigan xotira mikrosxemalarini ishlab chiqaruvchi 2 kompaniya aksiyasi
Biznes va pul17:36
Zudlik bilan: SI qulashi dotkom pufagi yorilishidan ham yomon boʻlishi mumkin — ancha yomon
Biznes va pul16:47