MWS AI ofis vazifalarini avtomatlashtirish uchun agentni taqdim etdi

MTS Web Services tarkibiga kiruvchi MWS AI chat interfeysiga ega ofis sunʼiy intellekt agenti — MWS AI Coworkʼni taqdim etdi. U maʼlumotlarni izlaydi, fayllarni tahlil qiladi, hisobotlar tuzadi va boshqa koʻp bosqichli amallarni bajaradi.

Yechim kompaniya ichiga oʻrnatiladi va Rossiya modellariga ham, xorijiy ochiq modellarga ham ulanib ishlaydi. Agentning imkoniyatlari keng tarqalgan ssenariylar uchun koʻrsatmalar boʻlgan koʻnikmalar orqali belgilanadi. Tayyor koʻnikmalarga oʻz koʻnikmalarini qoʻshish va ularni boshqa boʻlimlarga yuborish mumkin.

Administrator agentga korporativ messenjer, elektron pochta, CRM va fayl omborlarini ulaydi. Shundan soʻng agent hujjatlarning turli versiyalarini taqqoslaydi, tushirib qoldirilgan maʼlumotlar va nomuvofiqliklarni aniqlaydi, shuningdek, kompaniya uslubida taqdimotlar tayyorlaydi. MWS AI bahosiga koʻra, agent axborot bilan ishlashga oid takrorlanuvchi vazifalarning 90 foizigacha bajarishi va xodimlarning vaqtini murakkabroq hamda strategik vazifalar uchun boʻshatishi mumkin.