2030 yilgacha sotib olib, ushlab turishga arziydigan xotira mikrosxemalarini ishlab chiqaruvchi 2 kompaniya aksiyasi
Sandisk va Micron sunʼiy intellekt infratuzilmasining rivojlanishi bilan bogʻliq xotira mikrosxemalariga boʻlgan talabning uzoq muddatli oʻsishidan foyda koʻrishi mumkin. Har ikki kompaniya tushumlarining prognoz qilinish darajasini oshirish va bozor tebranishlariga qaramlikni kamaytirish maqsadida mijozlar bilan uzoq muddatli kelishuvlar tuzishga oʻtmoqda.
Xotira mikrosxemalari maʼlumotlarni saqlash va hisob-kitoblarni amalga oshirishda, jumladan, qattiq holatli jamlagichlar hamda maʼlumotlar markazlarida qoʻllanadi. Bu soha anʼanaviy ravishda davriyligi bilan ajralib turadi: mahsulot narxlari talab va taklif nisbatiga bogʻliq. Hozir sunʼiy intellekt infratuzilmasining rivojlanishi xotiraga boʻlgan ehtiyojni oshirmoqda, ishlab chiqarish quvvatlari esa cheklanganligicha qolmoqda. Bu holat narxlar va ishlab chiqaruvchilarning moliyaviy koʻrsatkichlari oʻsishiga yordam bermoqda.
Sandisk uzoq muddatli kelishuvlarga oʻtishni «yangi biznes modeli» deb atamoqda. Micron esa bunday shartnomalar orqali 2030 yilgacha boʻlgan tushumining qariyb 35 foizini mustahkamladi. Ular ishlab chiqaruvchilarga barqarorroq sotuvlarni taʼminlashi va narxlarning minimal darajasini belgilashi, shu tariqa talabning ehtimoliy pasayishi oqibatlarini yumshatishi mumkin.
Shu bilan birga, sohada xatarlar saqlanib qolmoqda. Micron investorlarni 2027 va 2028 yillardagi bozor sharoitlari, ehtimol, 2026 yildagiga qaraganda yanada keskinroq boʻlishidan ogohlantirdi. Ishlab chiqaruvchilarning istiqbollari sunʼiy intellekt bumining qancha davom etishiga, ishlab chiqarish quvvatlarini kengaytirish surʼatlariga va xotira narxlarini yuqori darajada ushlab turish qobiliyatiga bogʻliq boʻladi.
Yana oʻqing
Zudlik bilan: SI qulashi dotkom pufagi yorilishidan ham yomon boʻlishi mumkin — ancha yomon
Biznes va pul16:47
Proximal Ventures jamgʻarmasi farmatsevtikada sunʼiy intellektni rivojlantirishga $27,5 mln yoʻnaltiradi
Biznes va pul16:28