Omen AI Aquatic Labsni 16 mln dollarga sotib olmoqda
Omen AI raqibi Aquatic Labsni 16 mln dollar naqd pul va aksiyalar evaziga sotib olmoqda. Kompaniyalar sovutish suyuqligini nazorat qiluvchi sensor texnologiyalarini birlashtiradi.
Bitim data-markazlardagi sovutish tizimlarida suvni monitoring qilish uchun sensorlar ishlab chiqayotgan ikki startapni birlashtiradi. Omen AI suyuqlik tarkibidagi elementlarni aniqlaydi, Aquatic Labs sensori esa uning ishqoriyligini tekshiradi — birgalikda ular tizim holati haqida toʻliqroq tasavvur berishi kerak.
Hozir bunday namunalar odatda laboratoriyaga yuboriladi, tekshiruv esa bir necha kun davom etadi. Yangi sensor klapanlardagi nosozliklar hamda bakteriyalar koʻpayishini aniqlashi kerak — bu ikki holat ham suv aylanishini buzishi mumkin. Birlashgan jamoa qurilmani kelgusi yil boshiga qadar bozorga chiqarishga umid qilmoqda.
Bitimdan soʻng Omen AI asoschisi Zak Laberj kompaniyaga rahbarlik qilishda davom etadi, Aquatic Labs asoschisi Allan Adams esa uning bosh ilmiy direktori boʻladi. Omen AI dastlabki sensorlarini yil oxirigacha 250–300 MW quvvat isteʼmol qiladigan uskunalarga oʻrnatishni rejalashtirmoqda; kompaniya 2027 yil oxirigacha umumiy quvvati 1 GW boʻlgan tizimlarni qamrab olishni kutmoqda.
