Anthropic tushumining 58 foizini hisoblash quvvatlariga sarflamoqda: xarajatlar $10 mlrd ga yetdi

Anthropic 30-sentabr holatiga moliyaviy natijalar kiritilgan S-1 arizasiga qoʻshimcha yangilanishni eʼlon qildi. Kompaniyaning tushumi $17 mlrd gacha oshdi, biroq operatsion zarar ham koʻpaydi. Bunga koʻp jihatdan hisoblash quvvatlari uchun qilingan xarajatlar sabab boʻldi.

Hujjatda aytilishicha, talabning tez oʻsishi kompaniyani quvvatlarni qisqa muddatli kelishuvlar asosida sotib olishga majbur qilgan. Bunday kelishuvlar boʻyicha xarajatlar koʻp yillik shartnomalar asosida olinadigan oʻxshash resurslarnikidan ancha yuqori. Natijada hisoblash quvvatlaridan olinadigan marja yomonlashgan.

Anthropic oʻzining hisoblash bazasini yaratish uchun Anthropic Direct loyihasini rivojlantirmoqda, biroq hisoblash quvvatlari va infratuzilmaga xarajatlar bundan keyin ham oshishini kutmoqda. Kompaniya arizasida bu xarajatlarni yaqin kelajakda operatsion xarajatlarning eng yirik moddasi deb atagan.